रास्वपा महाधिवेशनको सफलताको हार्दिक शुभकामना व्यक्त गर्दछु : महेश बस्नेत

नेकपा एमालेका सचिव महेश बस्नेतले चितवनमा आजदेखि सुरु हुन लागेको राष्ट्रिय स्वतन्त्र पार्टी (रास्वपा) को महाधिवेशनको सफलताको कामना गरेका छन्।

आज सामाजिक सञ्जालमार्फत शुभकामना व्यक्त गर्दै उनले जनताले ठूलो विश्वासका साथ दिएको दुईतिहाइ जनसमर्थनको सम्मान गर्दै राष्ट्रियता, लोकतन्त्र, शिक्षा, स्वास्थ्य, रोजगारी तथा समृद्धिसम्बन्धी जनआकांक्षा पूरा गर्ने स्पष्ट कार्यनीति र दूरदर्शी कार्यदिशा महाधिवेशनले तय गर्ने अपेक्षा गरिएको बताए।