सदनदेखि शिखरसम्म : सङ्घीय संसद्को झण्डासहित सगरमाथा चढेका रास्वपा सांसद मिङ्मा डेभिड फर्किए काठमाडौँ

काठमाडौँ । सङ्घीय संसद्को ‘लोगो’ अंकित झण्डा बोकेर विश्वको सर्वोच्च शिखर सगरमाथाको सफल आरोहण गरेका प्रतिनिधिसभा सदस्य मिङ्मा डेभिड शेर्पा काठमाडौँ आइपुगेका छन्।

राष्ट्रिय स्वतन्त्र पार्टी (रास्वपा) का तर्फबाट सांसद रहेका शेर्पाले बुधबार बिहान ५ः४० बजे सगरमाथाको चुचुरोमा पाइला टेकेका हुन्। सफल आरोहण पूरा गरेर फर्किएका उनको स्वागत र खुसीयालीका बिच काठमाडौँ अवतरण भएको हो।