कुचो सम्बन्धी वास्तु :  जाने समृद्धि ल्याउँछ नजाने दरिद्रता

काठमाडौँ – सामान्यतया झाडु घर सफा गर्न प्रयोग गरिन्छ । यसले घर भित्र भएको कसिङ्गर बढार्ने काम गर्छ । तर, हिन्दु मान्यता अनुसार कुचोमा लक्ष्मीको वास हुने जनविश्वास रहेको छ । प्रयोग गर्न नजानेको अवस्थामा कुचोले समृद्धि पनि बढार्छ ।

त्यसैले कुचोको प्रयोग गर्दा केही नियमलाई ध्यानमा राख्नुपर्छ भनिन्छ । गलत तरिकाले कुचोको प्रयोग गर्दा व्यक्तिले शारीरिक, मानसिक र आर्थिक समस्याको सामना गर्नुपर्ने हुन सक्छ। कुचो किन्दा र फाल्दासमेत शुभ दिन र समयको ख्याल गर्नु आवश्यक हुन्छ । किनभने गलत समयमा किनेको र फालेको कुचोबाट धेरै समस्या आउन सक्छ ।