कोशी लेखा समितिमा सचिव–सांसदबीच चर्काचर्की, ‘हात उठाएँ’ भनेपछि ‘झोला बोकेर जानुस्’

विराटनगर– कोशी प्रदेश सभाको सार्वजनिक लेखा समितिको बैठकमा खानेपानी, सिँचाइ तथा ऊर्जा मन्त्रालयका सचिव पुष्करप्रसाद पोखरेल र सांसदहरूबीच चर्काचर्की भएको छ ।

महालेखा परीक्षकको सातौँ वार्षिक प्रतिवेदनमाथिको छलफलका क्रममा सांसदहरूले बजेट विनियोजन, पाइप खरिद, अनुगमनको कमजोरी र उपभोक्ता समितिमार्फत भएका अनियमितताबारे सचिवलाई कडा प्रश्न गरेका थिए ।