आर्थिक सर्वेक्षणमा चिकित्सकको तथ्यांक गलत, तथ्यांक बढी देखाउने खेल कि कमजोरी?

काठमाडौं- सरकारले सार्वजनिक गरेको आर्थिक सर्वेक्षण २०८२/८३ मा नेपालमा दर्ता भएका चिकित्सकहरूको तथ्यांकमा त्रुटि भेटिएको छ। नेपाल मेडिकल काउन्सिलमा दर्ता भएका वास्तविक चिकित्सकको संख्यालाई दोहोर्‍याएर गणना गर्दा सर्वेक्षणमा नेपालमा ५४ हजारभन्दा बढी चिकित्सक रहेको भ्रामक विवरण पर्न गएको हो।

आर्थिक सर्वेक्षणको बुँदा ११.१३ र तालिका ११(च) अनुसार २०८२ फागुनसम्म नेपालमा ३५ हजार १ सय ८७ मेडिकल चिकित्सक, ६ हजार ८३ दन्त चिकित्सक र १२ हजार ९ सय ५३ विशेषज्ञ चिकित्सक गरी कूल ५४ हजार २ सय २३ चिकित्सक दर्ता भएको दाबी गरिएको छ।