अमेरिकाको कडा नियमले इरान आक्रोशित, फिफामा उजुरी गर्ने चेतावनी

विश्वकप २०२६ चलिरहेका बेला इरानी राष्ट्रिय फुटबल टोली र अमेरिका आमनेसामने भएका छन्। अमेरिकाले इरानी टोलीमाथि लगाएको कडा यात्रा प्रतिबन्ध हटाउन अस्वीकार गरेपछि विवाद चुलिएको छ।

नयाँ नियमअनुसार इरानी खेलाडीहरू खेल हुनुभन्दा २४ घण्टा अघि मात्रै अमेरिका प्रवेश गर्न पाउने छन् र खेल सकिएलगत्तै मेक्सिकोस्थित प्रशिक्षण क्याम्पमा फर्किनुपर्ने छ। यसका कारण खेलाडीहरूको आराम, तयारी र रिकभरी प्रभावित भएको भन्दै इरानले कडा आपत्ति जनाएको छ।

इरानका मुख्य प्रशिक्षक Amir Ghalenoei ले आफ्नो टोलीलाई “विश्वकपकै सबैभन्दा उत्पीडित टोली” भएको टिप्पणी गरेका छन्। उनले खेलाडीहरूलाई सामान्य विश्रामको अवसरसमेत नदिइएको गुनासो गरेका छन्।

यसैबीच, इरानले यो विषयलाई लिएर FIFA मा औपचारिक उजुरी दिने तयारी गरेको छ। अमेरिकाको भिसा तथा यात्रा नीतिले खेलकुदको निष्पक्षता र प्रतिस्पर्धात्मक वातावरणमाथि प्रश्न उठाएको भन्दै चौतर्फी आलोचना हुन थालेको छ।

विश्वकपको मैदानबाहिर सुरु भएको यो विवाद अब फिफासम्म पुग्ने संकेत देखिएको छ, जसले प्रतियोगितालाई नयाँ राजनीतिक बहसतर्फ धकेल्न सक्छ