भ्रष्टाचार आरोपपछि जेलेन्स्कीका सल्लाहकारले दिए राजीनामा

काठमाडौँ । युक्रेनका राष्ट्रपति भोलोडिमिर जेलेन्स्कीका प्रमुख सल्लाहकार तथा चीफ अफ स्टाफ आन्द्री यरमकले आफ्नो आवासमा प्रहरीले गरेको छापामारीपछि पदबाट राजीनामा दिएका छन्।

रुससँगको जारी युद्धकोबिच ५४ वर्षीय यरमक लामो समयदेखि जेलेन्स्कीका नजिकका विश्वासिलो सहयोगी मानिँदै आएका थिए। हालै जेलेन्स्कीका शीर्ष अधिकारीहरूमाथि करिब १० करोड डलरसँग सम्बन्धित भ्रष्टाचारको आरोप सार्वजनिक भएपछि यरमकसमेत आलोचनाको केन्द्रमा आएका थिए।