जीवन बिमा कम्पनीका सबै सीईओसँग सम्पत्ति शुद्धीकरण अनुसन्धान विभागले किन लियो बयान ?

काठमाडौं । सम्पत्ति शुद्धीकरण अनुसन्धान विभागले नेपाल बिमा प्राधिकरणमार्फत् एक बिमा कम्पनीका सीईओलाई ‘एलियन्ट पुनर्बिमा ब्रोकरबारे विशेष कुरा गर्नु छ’ भन्दै बोलायो । एलियन्ट ब्रोकरसँग सिधै कारोबार नगरेका र कुनै चिनाजान वा सम्पर्क नभएका उनी बोलाउनूको उदेश्य सुनेर चकित परे ।

प्रहरीले हिरासतमा लिएर अनुसन्धान गरिरहेका दीपक भट्टकी सासूआमाको नाममा दर्ता भएको एलियन्ट ब्रोकरका विषयमा कुरा गर्नु छ भनेर विभागले बोलाएपछि चकित र त्रसित हुनु स्वाभाविक नै थियो ।