विश्वासको मत दिने नदिने बारे निर्णय लिन कांग्रेस पदाधिकारी बैठक बस्दै

प्रधानमन्त्री पुष्पकमल दाहाल ‘प्रचण्ड’लाई पार्टीको तर्फबाट विश्वासको मत दिने नदिनेबारे निर्णय लिन नेपाली कांग्रेसको पदाधिकारी बैठक आज मंगलबार विहान बस्दैछ । विहान ८ बजे बस्ने बैठकमा विश्वासको मत दिने या नदिनेबारे निर्णय लिने कांग्रेसका एक नेताले जानकारी दिए ।

प्रधानमन्त्री प्रचण्डले सोमबार साँझ सभापति शेरबहादुर देउवासहित नेतासँग देउवा निवास धुम्बाराहीमा भेट गरेका थिए । सो भेटमा विश्वासको मत दिन आग्रह उनले गरेका थिए । सभापति देउवाले पार्टीमा छलफल गरेपछि त्यसबारे निर्णय लिने आश्वास दिएका थिए ।