नेपालको चिया निकासीमा देखिएका समस्या र गर्नुपर्ने कामहरू

नेपालबाट भारतमा निकासी भइरहेको चिया अहिले भारतले प्रत्येक ‘कन्साइनमेन्ट’ को परीक्षण गर्नुपर्ने नयाँ व्यवस्था गरेपछि केही समयदेखि प्रायः ठप्प छ। सिजनमा उत्पादित चिया समयमै निकासी गर्न नसकेका कारण हाल इलाम र झापाका चिया बगान तथा उद्योगहरू पनि बन्द हुन थालेका छन्।

नेपालबाट भारतमा निकासी हुने कुनै पनि मालवस्तुको निकासी परिमाण बढ्न थालेपछि त्यसमा भारतकै तर्फबाट कुनै न कुनै समस्या आएर समयक्रममा त्यो रोकिन वा बन्द हुन पुगेको हाम्रो विगतदेखिको इतिहास हो।