इरान–अमेरिका समझदारी : नेपालका लागि राहत र सिकाएको पाठ

इरान र संयुक्त राज्य अमेरिकाबीच भएको युद्धविराम तथा त्यसपछिको शान्ति समझदारीलाई धेरैले पश्चिम एसियामा तत्कालका लागि तनाव कम भएको घटनाका रूपमा हेरेका छन् । निश्चय पनि यो घटनाले विश्वलाई सम्भावित ठूलो युद्धबाट जोगाएको छ।

तर, नेपालजस्ता साना, विकासोन्मुख र विश्व अर्थतन्त्रसँग गहिरो रूपमा जोडिएका मुलुकका लागि यो घटनाको महत्त्व केवल युद्ध रोकिएकोमा सीमित छैन। यसले नेपालको अर्थतन्त्र, ऊर्जा सुरक्षा, वैदेशिक रोजगारी र परराष्ट्र नीतिसम्बन्धी सोचलाई पुनः समीक्षा गर्नुपर्ने अवस्थामा पुर्‍याएको छ।