श्रीमतीमाथि तातो तेल खन्याउने श्रीमान पक्राउ

श्रीमतीको अनुहार तथा शरीरमा तातो तेल खन्याएर घाइते बनाई फरार रहेका एक व्यक्तिलाई प्रहरीले पक्राउ गरेको छ । जिल्ला प्रहरी कार्यालय कञ्चनपुरका अनुसार भीमदत्त नगरपालिका–८ तिलाचौरका ३४ वर्षीय अशोक भट्टलाई पक्राउ गरिएको हो ।

उनले १५ पुस २०८२ मा घरको भान्सामा सेलरोटी पकाइरहेकी श्रीमतीमाथि तातो तेल खन्याएका थिए । प्रहरीका अनुसार तातो तेलले श्रीमतीको अनुहारसहित शरीरका विभिन्न भाग जलेर कुरुप बनेको थियो ।