मुख्य सामग्रीमा जानुहोस्

समाचार

खेलकुद

विरनदिप र सिकुगे चितवन टाइगर्समा

rajdhanidaily.com · Thu Aug 26 23:54:13 GMT 2021

काठमाडौं । मलेसिया युवा स्टार ब्याट्सम्यान विरनदीप सिंह र श्रीलंकाका अन्तर्राष्ट्रिय खेलाडी सिकुगे प्रसन्ना चौथो संस्करणको बजाज पल्सर एभरेष्ट प्रिमियर लिग (ईपीएल) टी–२० क्रिकेटका लागि चितवन टाइगर्समा आबद्ध भएका छन् । मलेसिया कप्तानी भूमिका निर्वाह गरिसकेका विरनदीपले सोमपाल कामीको कप्तानीमा रहेको चितवन टाइगर्सबाट ईपीएल खेल्ने पक्का भएको हो ।

२२ वर्षीय विरनदीप शीर्षक्रमका ब्याट्सम्यान हुन् । एसोसियट देशमा विरनदीप उदाउँदा स्टार हुन् । विरनदीप विदेशी फ्रेन्चाइज लिग खेल्ने पहिलो मलेसियाली खेलाडी बन्नेछन् । मलेसियाबाट विदेशी फ्रेन्चाइज लिग खेल्ने पहिलो खेलाडी बनेसँगै विरनदीपलाई मलेसिया क्रिकेट एसोसियसनले बधाई दिएको छ । चितवनले विरनदीपसँगै अफगानिस्तानका ओपनर मोहम्मद शाहजाद र पाकिस्तानी अलराउन्डर दानिस अजिजलाई पनि टोलीमा अनुबन्ध गरिसकेको छ । विकेटकिपर ब्याट्सम्यान समेत रहेका विरनदीपले २५ टी–२० आई खेलमा ६ सय ८४ रन बनाएका छन् । गत वैशाखमा नेपालमा भएको त्रिकोणात्मक टी–२० सिरिजमा विरनदीपले नेदरल्यान्ड्सविरुद्ध पहिलो खेलमा ५३ बलमा ६ चौका र ६ छक्कासहित ८७ रनको उत्कृष्ट इनिङ्स खेलेका थिए ।

स्रोतमा पूरा पढ्नुहोस् (rajdhanidaily.com)