इरानको सैनिक परिसरमा ड्रोन हमला

तेहरान । इरानको रक्षा मन्त्रालयले इस्फाहान सहरस्थित एउटा सैनिक परिसरमा भएको ड्रोन आक्रमणलाई विफल पारिएको दाबी गरेको छ । मन्त्रालयले आक्रमणमा तीनवटा ड्रोन संलग्न रहेको र यसमा कुनै मानवीय क्षति नभएको पनि जनाएको छ ।

मन्त्रालयले अगाडि भनेको छ, “एउटा ड्रोनलाई वायु प्रतिरक्षा प्रणालीबाट ध्वस्त पारिएको थियो । अन्य दुईवटा ड्रोनलाई 'प्रतिरक्षा जाल'मा पारेर समातिएको थियो । यस कार्यको दौरान एउटा भवनमा सामान्य क्षति भएको छ ।"