पुरुषतर्फ पुलिस र महिलातर्फ एपिएफ टाइगर कप भलिबलको फाइनलमा

पोखरा । पाँचौं टाइगर कप भलिबल प्रतियोगितामा पुरुषतर्फ नेपाल पुलिस क्लब र महिलातर्फ एपिएफ क्लब फाइनल प्रवेश गरेका छन् ।

शुक्रबार पोखरा रंगशालामा त्रिभुवन आर्मी क्लबलाई ३–२ सेटमा पराजित गर्दै पुलिस क्लब फाइलनमा प्रवेश गरेको हो । पहिलो सेट २५–१४ ले आफ्नो पक्षमा पारेको पुलिसले दोस्रो सेट २२–२५ ले आर्मीलाई सुम्पिएको थियो । तेस्रो सेट २५–२२ ले जितेको पुलिसले पुनः चौथो सेट २३–२५ ले हार बेहोरेको थियो । तर, पाँचौ सेटमा उत्कृष्ट प्रदर्शन गर्दै १५–१२ जित निकाल्यो ।