न्युजिल्याण्डविरुद्धको खेलअघि इजिप्टका कोचले भने– मोहम्मद सलाहसँग कुनै विवाद छैन

७ असार, काठमाडौं । विश्वकप फुटबलको समूह ‘जी’ अन्तर्गत न्युजिल्यान्डविरुद्धको महत्वपूर्ण खेलअघि इजिप्टका मुख्य प्रशिक्षक होसाम हसनले टोलीभित्र कुनै असन्तुष्टि वा विवाद नरहेको बताएका छन् । विशेषगरी स्टार खेलाडी मोहम्मद सलाहलाई लिएर फैलिएका हल्लाहरूलाई उनले अस्वीकार गरेका हुन् ।

भ्यानकुभरस्थित बीसी प्लेसमा आइतबार हुने खेलअघि पत्रकारहरूसँग कुरा गर्दै हसनले भने, ‘सलाह हाम्रो टोलीका महत्वपूर्ण खेलाडी हुन् । तर मसँग रहेका सबै २६ खेलाडी नै उत्तिकै महत्वपूर्ण छन् । म सबै खेलाडीलाई व्यावसायिक रूपमा व्यवहार गर्छु, मेरा कुनै पनि प्रिय खेलाडी छैनन् ।’