मत्स्यनारायण मन्दिरलाई राष्ट्रिय धार्मिक गन्तव्य बनाउन चन्द्रागिरी नगरपालिका सक्रिय

काठमाडौं । चन्द्रागिरी नगरपालिकाका प्रमुख घनश्याम गिरीले मच्छेगाउँस्थित मत्स्यनारायण मन्दिरलाई नगरपालिकाको ‘नगर गौरव योजना’ अन्तर्गत राखेर विशेष प्राथमिकताका साथ विकास गरिरहेको बताएका छन् ।

बिहीबार आयोजित ‘अधिकमासः भगवान विष्णुको पहिलो अवतार र मत्स्यनारायण मन्दिरको महत्व’ विषयक अन्तरक्रिया कार्यक्रममा बोल्दै उनले आदिमकालदेखि चलिआएको धार्मिक तथा सांस्कृतिक परम्परालाई नगरपालिकाले उच्च प्राथमिकतामा राखेको बताए ।