मोरङमा हुलाकले घरमै पुर्‍याउन थाल्यो राहदानी, सेवाग्राहीले धाउनुपर्दैन प्रशासन

विराटनगर : मोरङमा राहदानी (पासपोर्ट) लिन जिल्ला वा इलाका प्रशासन कार्यालयमा बारम्बार धाउनुपर्ने बाध्यताबाट सेवाग्राहीले राहत पाउन थालेका छन्। हुलाकले घरमै राहदानी पुर्‍याउन थालेपछि प्रशासन धाउनुपर्ने सेवाग्राहीको बाध्यता अन्त्य भएको हो।

सार्वजनिक सेवा प्रवाहलाई नागरिकमैत्री बनाउने उद्देश्यसहित सरकारले सुरु गरेको ‘घरमै राहदानी’ सेवा मोरङमा पनि कार्यान्वयनमा आएको छ। बुधबारदेखि हुलाकमार्फत सेवाग्राहीकै घरमा राहदानी पुर्‍याउने व्यवस्था सुरु गरिएको हो।