धवलागिरिका दुर्गम गाउँमा सडक सञ्जाल विस्तार

म्याग्दी । म्याग्दीको धवलागिरि गाउँपालिकाको दुर्गम बस्ती गुर्जासम्म सडक पुगेपछि जिल्लाका ४५ वटै वडामा सडक सञ्जालको पहुँच विस्तार भएको छ।

गाउँपालिका अध्यक्ष प्रेमप्रसाद पुनका अनुसार यस वर्ष गुर्जासम्म सडकको ट्र्याक खोलिएको हो। अब सडक स्तरोन्नति गरी नियमित सञ्चालनमा ल्याउने तयारी भइरहेको छ। सडक पुगेपछि स्थानीयलाई यातायात सुविधा मिल्नुका साथै कृषि तथा पशुजन्य उत्पादनको बजारीकरणमा समेत सहज हुने अपेक्षा गरिएको छ।