चेपुवामा परे वाणिज्य बैंक : अब सीईओलाई बैंकको कुल सम्पत्तिको ०.०१५ प्रतिशतमाथि तलब दिन नपाइने

चेपुवामा परे वाणिज्य बैंक : अब सीईओलाई बैंकको कुल सम्पत्तिको ०.०१५ प्रतिशतमाथि तलब दिन नपाइने

७ असार, काठमाडौं । अब देखि बाणिज्य बैंकहरुले प्रमुख कार्यकारी अधिकृत (सीईओ)लाई बैंकको कुल सम्मतिको ०.०१५ प्रतिशत मात्र तलब तोक्न पाउने भएका छन् । सीईओको मासिक तलब निर्धारण गर्ने अर्को विधि भने सो बैंकको कर्मचारी खर्चको औसत २ प्रतिशत भित्र सिमित रहनुपर्नेछ । राष्ट्र बैंकले मार्गदर्शन जारी गर्दै बैंक तथा वित्तीय संस्थाका सीईओको तलब र भत्तालगायत सुविधामा यसरी कडाइ गरेको हो ।

बैंक तथा वित्तीय संस्थाका प्रमुख कार्यकारी अधिकृतको तलब, भत्ता तथा अन्य सुविधासम्बन्धी मार्गदर्शन, २०८३ जारी गरेर राष्ट्र बैंकले सीईओको तलब–भत्ता तथा अन्य सुविधामा मापदण्ड खडा गरेको हो । सीईओले पाउने कुल तलब–भत्ता, कार्यसम्पादनमा आधारित पारिश्रमिक र अन्य सुविधा गरी तीन प्रकारमा विभाजन गरिएको छ । नयाँ मार्गदर्शनअनुसार वाणिज्य बैंक, विकास बैंक, फाइनान्स कम्पनी र लघुवित्तका सीईओको तलब–भत्ता सञ्चालक समितिबाट उपसमिति गठन गरी त्यसको सिफारिसका आधारमा मात्र निर्धारण गर्नुपर्नेछ ।

यसैगरी राष्ट्रियस्तरका विकास बैंकका सीईओलाई कुल सम्पत्तिको ०.०२० प्रतिशत वा कर्मचारी खर्चको औसत ३ प्रतिशतसम्म मात्र तलव निर्धारण गर्न पाइने भएको छ । राष्ट्रियस्तरका फाइनान्स कम्पनीका सीईओलाई कुल सम्पत्तिको ०.०५० प्रतिशत वा औसत कर्मचारी खर्चको ३ प्रतिशतसम्म तलब निर्धारण गर्न सकिनेछ । यस्तै राष्ट्रियस्तरका लघुवित्तका सीईओलाई कुल सम्पत्तिको ०.१० प्रतिशत वा कर्मचारी खर्चको औसत ३ प्रतिशतभन्दा माथि दिन नपाइने व्यवस्था राष्ट्र बैंकले गरेको छ ।

नयाँ व्यवस्थाअनुसार अब वाणिज्य बैंकका सीईओको तलब–भत्ता गत वर्षको कुल सम्पत्तिको बढीमा ०.०१५ प्रतिशत वा विगत तीन आर्थिक वर्षको कर्मचारी खर्चको औसत २ प्रतिशतमध्ये जुन कम हुन्छ त्यति निर्धारण गर्नुपर्नेछ । यसअघि सीईओको तलब–भत्ता गत वर्षको कुल सम्पत्तिको बढीमा ०.०२५ प्रतिशतसम्म निर्धारण गर्न सकिने थियो । सीईओको योग्यता, अनुभवसँगै बैंकको पुँजीको प्रतिफल दर, कर्जा, लगानी तथा निक्षेपको आकार, सञ्चालन मुनाफा, भविष्यमा व्यवसाय वृद्धि सम्भावना र जोखिम अवस्था पनि पारिश्रमिक निर्धारणको आधार बनाउनुपर्ने राष्ट्र बैंकको भनाइ छ ।

मार्गदर्शनमा सीईओलाई कार्यसम्पादनका आधारमा थप सुविधा दिन सकिने व्यवस्था पनि राखिएको छ । यस्तो सुविधा वार्षिक तलब–भत्ताको २० प्रतिशतभन्दा बढी दिन पाइने छैन । कार्यसम्पादन राम्रो छ भनेकै भरमा धेरै सुविधा दिन नपाइने भनाइ राष्ट्र बैंकको हो । कार्यसम्पादन मूल्यांकन गर्दा सम्पत्ति र पुँजीमा प्रतिफल, नाफा, पुँजीकोष अनुपात, निष्क्रिय कर्जा, तरलता, जोखिम व्यवस्थापन, नियामकीय पालना, ग्राहक सन्तुष्टि, सेवा गुणस्तरलगायत सूचकलाई आधार मान्नुपर्ने छ ।

बैंक तथा वित्तीय संस्थाको सञ्चालक समितिले गठन गरेको सिफारिस समितिले तलब–भत्ता तथा अन्य सुविधा निर्धारण गर्नेछ । सोही समितिको सिफारिसका आधारमा तलब–भत्ता तथा अन्य सुविधासम्बन्धी सिफारिस सञ्चालक समितिसमक्ष पेस गर्नुपर्नेछ । मार्गदर्शनमा सीईओले पाउने सुविधाको पनि सीमा तोकेको छ, जसमा तलब–भत्ता तथा अन्य सुविधा सिफारिस समितिले निर्धारण गरे बमोजिम एक÷एक मोबाइल तथा ल्यापटप सुविधा पाइनेछ । समस्याग्रस्त घोषणा भएको वित्तिय संस्थामा भने यो नियम लागु नहुने बताइएको छ ।

प्रमुख कार्यकारी अधिकृतको तलब, भत्ता तथा अन्य सुविधा निर्धारणका आधार

इजाजतपत्रप्राप्त बैंक तथा वित्तीय संस्थाको सञ्चालक समितिले बुँदा नं. ३ बमोजिम गठन गरेको तलब, भत्ता तथा अन्य सुविधा सिफारिस समितिले देहायका विषयहरुलाई प्राथमिक आधारका रुपमा लिएर प्रमुख कार्यकारी अधिकृतको तलब, भत्ता तथा अन्य सुविधा सम्बन्धी सिफारिस सञ्चालक समितिसमक्ष पेश गर्नु पर्नेछ ।

(क) प्रमुख कार्यकारी अधिकृतको योग्यता तथा अनुभव ।

(ख) इजाजतपत्र प्राप्त संस्थाको पूँजीको प्रतिफलदर, व्यवसायको आकार (कर्जा, लगानी र निक्षेप परिचालन), सञ्चालन मुनाफाको स्थिति, भविष्यमा व्यवसाय वृद्धिका आधारहरु तथा संस्थामा निहित जोखिम ।

(ग) आफ्नो संस्थासँग मिल्दोजुल्दो संस्थाको पूँजीको प्रतिफलदर, व्यवसायको आकार, सञ्चालन मुनाफा भएका संस्थाहरुले प्रमुख कार्यकारी अधिकृतलाई उपलव्ध गराएको तलव, भत्ता तथा सुविधा ।

(घ) इजाजतपत्र प्राप्त संस्था स्वयंको सहायकस्तर (जुनियर असिस्टेण्ट) देखि प्रमुख कार्यकारी अधिकृत बीचको पारिश्रमिक भिन्नताको समीक्षा ।

(ङ) उक्त समितिले पेश गरेको सिफारिसको आधारमा संस्थाको सञ्चालक समितिले सो सम्बन्धमा अन्तिम निर्णय गर्नु पर्नेछ ।

मार्गदर्शन लागु नहुने

बुँदा नं. ५ मा उल्लिखित प्रमुख कार्यकारी अधिकृतको तलब, भत्ता तथा अन्य सुविधा सम्बन्धी व्यवस्था देहायका इजाजतपत्र प्राप्त संस्थाको हकमा लागू गर्न अनिवार्य हुने छैन ।

-नेपाल राष्ट्र बैंकले समस्याग्रस्त घोषणा गरेका इजाजतपत्र प्राप्त संस्था,

-अन्तर्राष्ट्रिय दातृ निकाय वा नेपाल सरकारको सहयोगमा पुनर्संरचना भइरहेका इजाजतपत्र प्राप्त संस्था,

-नेपाल सरकारको पूर्ण वा आंशिक स्वामित्वमा रहेका इजाजतपत्र प्राप्त संस्था,

-चुक्ता पुँजीको २० प्रतिशत भन्दा बढी विदेशी लगानी भएका इजाजतपत्र प्राप्त संस्था,

-विदेशी बैंकको नेपालस्थित शाखाहरू,

पूर्णपाठः

सीईओ

बाणिज्य बैंक

नेपाल राष्ट्र बैंक

तलब भत्ता

Shares

नेपालबहस संवाददाता

नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद #नेपालबहस #नेपालीसमाचार #स्थानीयसमाचार #ब्रेकिंङन्यूजनेपाल #खोजमुलकसमाचार #नेपालअपडेट्स #अपराधसमाचार #सुरक्षामामिलासमाचार #बैंकिङबीमासमाचार #शेयरबजारसमाचार #कर्पोरेटसमाचार

लेखकबाट थप

सम्बन्धित पोस्ट

सिटिजन्स बैंकको विशेष साधारण सभा सम्पन्न, २ अर्बको प्रिफरेन्स सेयर जारी गर्ने निर्णय

असार ५, २०८३ शुक्रबार

सिटिजन्स बैंकद्वारा राखु भगवती स्वास्थ्य चौकीलाई स्वास्थ्य सामग्री सहयोग

असार ५, २०८३ शुक्रबार

सिटिजन्स बैंकको ८ औं विशेष साधारणसभा सम्पन्न, २ अर्ब बराबरको प्रिफेरेन्स शेयर जारी गर्ने निर्णय

असार ३, २०८३ बुधबार

नेपालबहस ट्रेन्डिङ

शाहरुखको सहयोगले समयमै रिलिज हुन नसक्ने फिल्म बन्यो बक्स अफिस हिट

नेपालबहस संवाददाता

असार ६, २०८३ शनिबार

विश्वकै सबैभन्दा पातलो आईफोनको नयाँ संस्करण ल्याउँदै एप्पल

नेपालबहस संवाददाता

असार ६, २०८३ शनिबार

सूचना भेरिफाई नगरी कोशीका गृहमन्त्रीको घरमा गरिएको खानतलासीले विवादमा तानियो प्रहरी

नेपालबहस संवाददाता

असार ५, २०८३ शुक्रबार

राहदानी काण्डमा धमाधम पक्राउ, जर्मन कम्पनीका सञ्चालकलाई पनि अख्तियारको पुर्जी

नेपालबहस संवाददाता

असार ४, २०८३ बिहिबार

Tweets by nepalbahas

लोकप्रिय

१

शाहरुखको सहयोगले समयमै रिलिज हुन नसक्ने फिल्म बन्यो बक्स अफिस हिट

असार ६, २०८३ शनिबार

२

विश्वकै सबैभन्दा पातलो आईफोनको नयाँ संस्करण ल्याउँदै एप्पल

असार ६, २०८३ शनिबार

३

विश्वकपमा आज निर्णायक खेलहरू, जर्मनी र स्विडेनलाई अन्तिम ३२ पुग्ने अवसर

असार ६, २०८३ शनिबार

छुटाउनुभयो कि?

चेपुवामा परे वाणिज्य बैंक : अब सीईओलाई बैंकको कुल सम्पत्तिको ०.०१५ प्रतिशतमाथि तलब दिन नपाइने

असार ७, २०८३ आइतबार

निजामती अस्पतालमा छ महिनादेखि ‘सिटी स्क्यान’ सेवा ठप्प

असार ७, २०८३ आइतबार

सोलुखुम्बुको धार्मिक तथा पर्यटकीय गन्तव्य दूधकुण्ड: फोटो फिचर

असार ७, २०८३ आइतबार

भुजीखोला पुल निर्माण अनिश्चित

असार ७, २०८३ आइतबार

अन्तर्राष्ट्रिय योग दिवसमा भक्तपुर दरबार क्षेत्रमा सामूहिक योगाभ्यास ( फोटो फिचर )

असार ७, २०८३ आइतबार

रास्वपा महाधिवेशनमा मोही वितरणले तान्यो कार्यकर्ताको ध्यान

असार ७, २०८३ आइतबार