निर्माणाधीन घरको टपसहितको पर्खाल खस्दा च्यापिएर महिला मजदुरको मृत्यु

वीरगन्ज : वीरगन्जमा निर्माणाधीन घरको टपसहितको पर्खाल भत्किएर खस्दा त्यसमा च्यापिएर महिला मजदुरको मृत्यु भएको छ।

मृत्यु हुनेमा बाराको परवानीपुर गाउँपालिका-४ की ३२ वर्षीया सीतादेवी मुसहर रहेकी छन्। वीरगन्ज महानगरपालिका-६ मा ओम अग्रवालको नयाँ घर निर्माणका क्रममा बिहीबार दिउँसो निर्माणाधीन घरको टपसहित इँटाको पर्खाल अचानक भत्किएर खस्दा त्यसमा च्यापिएर त्यही काम गरिरहेकी मुसहर गम्भीर घाइते भएकी थिइन्।