राष्ट्रपति चयन गर्न गठबन्धनलाई सहज बहुमत, प्रधानमन्त्री चुन्न पुगेन संख्या

प्रत्यक्ष र समानुपातिक दुवैतर्फको परिणाम आएपछि राजनीतिक दलहरुको ध्यान प्रधानमन्त्री चयनमा केन्द्रित भएको छ। प्रतिनिधि सभामा थोरैले बहुमत हासिल गर्न असफल भएको सत्ता गठबन्धनले राष्ट्रपति र उपराष्ट्रपति निर्वाचनमा भने सहज बहुमत पाउने देखिएको छ।

नेपालको संविधान–२०७२ ले धारा ६२ मा राष्ट्रपतिको निर्वाचन सम्बन्धी व्यवस्था गरेको छ। धारा ६२ (१) अनुसार राष्ट्रपति निर्वाचनमा संघीय संसद् (प्रतिनिधि सभा र राष्ट्रिय सभा) र प्रदेश सभाका सदस्यहरु मतदाता हुन्छन्।