एक्सट्रिम इनर्जी ड्रिंक्समाथि राजश्व छली, बनेपाबाट बिलबिनाका ३६ सय क्यान बरामद

एक्सट्रिम इनर्जी ड्रिंक्समाथि राजश्व छली, बनेपाबाट बिलबिनाका ३६ सय क्यान बरामद

७ असार, काठमाडौं । बजारमा आक्रामक प्रचारप्रसार गर्दै आएको एक्सट्रिम इनर्जी ड्रिंक्स उत्पादन कम्पनीले राजश्व छली गरेको भेटिएको छ। काभ्रेपलाञ्चोकको बनेपाबाट प्रहरीले बिना बिलबिजक अवस्थामा ठूलो परिमाणमा उक्त पेय पदार्थ बरामद गरेपछि यस सम्बन्धी थप अनुसन्धान अघि बढेको छ।

जिल्ला प्रहरी कार्यालय काभ्रेपलाञ्चोकका अनुसार २०८३ जेठ १८ गते राति बनेपा नगरपालिका–७ स्थित तरकारी बजार क्षेत्रमा रहेको विजयप्रसाद नेपाली सञ्चालनको भेराइटी बक्लेट स्टोरको गोदाममा बिलबिनाका सामान झारिँदै गरेको भन्ने विशेष सूचनाका आधारमा प्रहरी टोली परिचालन गरिएको थियो।

इलाका प्रहरी कार्यालय बनेपाका प्रहरी निरीक्षक धिरजकुमार पटेलको नेतृत्वमा पुगेको टोलीले बा.प्र.०१–०२५ च २२२३ नम्बरको बोलेरो गाडीबाट बिलबिजक नभएको एक्सट्रिम इनर्जी ड्रिंक्स गोदाममा राख्दै गरेको अवस्थामा फेला पारेको थियो।

प्रहरीले गोदाम र गाडीको खानतलासी गर्दा करिब पाँच लाख रुपैयाँ बराबरका सामान बरामद गरेको जनाएको छ। बरामद गरिएका सामानमा ‘एक्सट्रिम इनर्जी ड्रिंक्स’ लेखिएका १५० कार्टुन रहेका छन्, जसमा प्रति कार्टुन २४ वटा गरी कुल ३ हजार ६ सय क्यान रहेका छन्। त्यस्तै ‘बाम बाम’ ब्रान्डका जुसका ६ कार्टुन (७२ वटा) समेत बरामद गरिएको छ।

प्रहरीले गोदाम सञ्चालक तथा गाडी चालकलाई नियन्त्रणमा लिई बरामद सामान, सवारीसाधन तथा आवश्यक कागजातसहित थप अनुसन्धानका लागि राजश्व अनुसन्धान विभाग, पुल्चोक, ललितपुर पठाएको जनाएको छ।एक्सट्रिम इनर्जी ड्रिंक्सले पछिल्लो समय विभिन्न उपहार योजना र आक्रामक विज्ञापनमार्फत बजार विस्तार गर्दै आएको छ। तर, बिलबिजकविहीन रूपमा ठूलो परिमाणमा उत्पादन फेला परेपछि कम्पनीको कारोबार र राजश्व छलि गरेको आशंकालाई बल पुगेको छ ।

घटनाबारे राजश्व अनुसन्धान विभागले थप अनुसन्धान गरिरहेको छ। अनुसन्धानबाट राजश्व छली वा अन्य कानुन विपरीतका गतिविधि पुष्टि भए सम्बन्धित पक्षमाथि कानुनबमोजिम कारबाही हुन सक्ने जनाइएको छ।

कर तथा राजश्व छली सम्बन्धी कानुनी प्रावधान

नेपाल सरकारले हालैका वर्षहरूमा राजस्व चुहावट र सीमापार तस्करी नियन्त्रणका लागि कानुनी व्यवस्थाहरू निकै कडा बनाएको छ ।

भन्सार ऐन २०२५ (Customs Act 2025):

हालै कार्यान्वयनमा आएको नयाँ भन्सार ऐन २०२५ अनुसार नियतवश विवरण सच्याउने वा झुटा कागजात बनाएर राजश्व छली गरेमा बिगोको २०० प्रतिशतसम्म नगद जरिवाना, ६ देखि १२ महिनासम्म कैद, वा दुवै सजाय हुन सक्छ।

राजश्व चुहावट (अनुसन्धान तथा नियन्त्रण) ऐनः

यस ऐन अन्तर्गत राजश्व छलीको गम्भीरता र बिगोको आकार हेरी कैद सजाय र बिगो बमोजिमको जरिवाना तोकिन्छ । जानाजानी १ मिलियन (१० लाख) रुपैयाँ भन्दा बढीको कर छली गरेमा १ वर्षसम्मको जेल सजाय हुन सक्छ ।

नयाँ संशोधन र सहुलियतः

हालैका कानुनी संशोधनहरूमा पहिलो पटक गल्ती गर्नेका लागि कैदको बदला जरिवाना तिरेर छुट पाउने र मुद्दा अदालतमा छँदै पनि निश्चित कर बुझाएर सेटलमेन्ट गर्न सकिने खुकुलो प्रावधानहरू पनि थपिएका छन् ।

एक्सट्रिम इनर्जी ड्रिंक्सको बजार अवस्था र मूल्यः

बजेट र अन्तःशुल्कमा वृद्धिः

आर्थिक वर्ष २०८३/८४ को बजेटमार्फत नेपाल सरकारले इनर्जी ड्रिंक्स र सफ्ट ड्रिङ्क्समा अन्तःशुल्क १०० प्रतिशत भन्दा बढीले वृद्धि गरेको छ । इनर्जी ड्रिंक्समा लाग्ने प्रति लिटर कर रु. ५२ बाट बढाएर रु. १२० पुर्याइएको छ र यसलाई 'लक्जरी गुड्स' (विलासिताका सामान) मा वर्गीकरण गरिएको छ । कर बढेका कारण बजारमा अवैध आयात र राजश्व छलीको जोखिम बढेको हो ।

बजार मूल्य: नेपालका विभिन्न रेस्टुरेन्ट र अनलाइन प्लेटफर्महरूमा उपलब्ध विवरण अनुसार यसको मूल्य यस प्रकार छ । अनलाइन बजारमा एक्सट्रिम इनर्जी ड्रिंक्स (३३० एमएल) को ६ वटाको प्याक लगभग रु.७९९ सम्ममा बिक्री हुने गरेको देखिन्छ । सामान्य खुद्रा वा रेस्टुरेन्ट मेनुमा प्रति क्यानको मूल्य रु. १५० देखि रु. २०० को हाराहारीमा पर्दछ ।

यो पनि पढ्नुहोस

‘एक्सट्रिम’ इनर्जी ड्रिंकको बढ्दो प्रयोगः मधुमेह र मुटुरोगको जोखिम बढ्ने चिकित्सकको चेतावनी

एक्सट्रिम इनर्जी ड्रिंक्स

अनुसन्धान

राजश्व छली

Shares

नेपालबहस संवाददाता

नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद #नेपालबहस #नेपालीसमाचार #स्थानीयसमाचार #ब्रेकिंङन्यूजनेपाल #खोजमुलकसमाचार #नेपालअपडेट्स #अपराधसमाचार #सुरक्षामामिलासमाचार #बैंकिङबीमासमाचार #शेयरबजारसमाचार #कर्पोरेटसमाचार

लेखकबाट थप

सम्बन्धित पोस्ट

‘एक्सट्रिम’ इनर्जी ड्रिंकको बढ्दो प्रयोगः मधुमेह र मुटुरोगको जोखिम बढ्ने चिकित्सकको चेतावनी

असार ५, २०८३ शुक्रबार

मदिरा–सुर्ती बिक्रीमा राजस्व छल्दै रारा क्षेत्रका व्यापारी, अनुगमनपछि दर्ता गर्न निर्देशन

जेठ २१, २०८३ बिहिबार

सुर्तीजन्य पदार्थ बिक्री नियन्त्रणका लागि तेह्रथुममा बजार अनुगमन

जेठ १७, २०८३ आइतबार

नेपालबहस ट्रेन्डिङ

शाहरुखको सहयोगले समयमै रिलिज हुन नसक्ने फिल्म बन्यो बक्स अफिस हिट

नेपालबहस संवाददाता

असार ६, २०८३ शनिबार

विश्वकै सबैभन्दा पातलो आईफोनको नयाँ संस्करण ल्याउँदै एप्पल

नेपालबहस संवाददाता

असार ६, २०८३ शनिबार

सूचना भेरिफाई नगरी कोशीका गृहमन्त्रीको घरमा गरिएको खानतलासीले विवादमा तानियो प्रहरी

नेपालबहस संवाददाता

असार ५, २०८३ शुक्रबार

राहदानी काण्डमा धमाधम पक्राउ, जर्मन कम्पनीका सञ्चालकलाई पनि अख्तियारको पुर्जी

नेपालबहस संवाददाता

असार ४, २०८३ बिहिबार

Tweets by nepalbahas

लोकप्रिय

१

विश्वकपमा आज निर्णायक खेलहरू, जर्मनी र स्विडेनलाई अन्तिम ३२ पुग्ने अवसर

असार ६, २०८३ शनिबार

२

पृथ्वीचोकस्थित बास्तोला कम्प्लेक्सको संरचनामा पनि चल्यो महानगरको डोजर

असार ६, २०८३ शनिबार

३

फिफा विश्वकपमा सबैभन्दा कम उमेरमा गोल गर्ने पाँच खेलाडी, पेलेको कीर्तिमान अझै अटुट

असार ६, २०८३ शनिबार

छुटाउनुभयो कि?

एक्सट्रिम इनर्जी ड्रिंक्समाथि राजश्व छली, बनेपाबाट बिलबिनाका ३६ सय क्यान बरामद

असार ७, २०८३ आइतबार

तस्विरमा रास्वपा महाधिवेशन उद्घाटन कार्यक्रम अघिको माहोल

असार ७, २०८३ आइतबार

रास्वपा महाधिवेशन: उद्घाटन कार्यक्रम अघि सेना र पुलिसको बम स्क्वाडबाट चेकजाँच

असार ७, २०८३ आइतबार

फोहोर व्यवस्थापनका लागि उपयुक्त स्थानको अभाव

असार ७, २०८३ आइतबार

राष्ट्रिय कृषि आधुनिकीकरण कार्यक्रम किसानलाई प्रविधिसँगै जोड्दै

असार ७, २०८३ आइतबार

राष्ट्र बैंकले फेर्यो नीति : अब सीईओलाई बैंकको कुल सम्पत्तिको ०.०१५ प्रतिशतमाथि तलब दिन नपाइने

असार ७, २०८३ आइतबार