दुई वर्षमै दोब्बर सुधार : धनगढीका सामुदायिक विद्यालयको एसईई उत्तीर्ण प्रतिशत ५२.३९ पुग्यो

धनगढी । धनगढी उपमहानगरपालिका अन्तर्गतका सामुदायिक विद्यालयहरूको माध्यमिक शिक्षा परीक्षा (एसईई) २०८२ को नतिजामा उल्लेखनीय सुधार देखिएको छ ।

उपमहानगरपालिकाको शिक्षा तथा खेलकुद शाखाका अनुसार यस वर्ष सामुदायिक विद्यालयतर्फ १ हजार ५४८ विद्यार्थी एसईई परीक्षामा सहभागी भएकामध्ये ८११ जना उत्तीर्ण भएका छन् । यससँगै सामुदायिक विद्यालयहरूको उत्तीर्ण प्रतिशत ५२ दशमलव ३९ पुगेको छ ।