सामसुङको ‘अपग्रेड टु ग्यालेक्सी’ अभियान सुरु, पुरानो फोन साट्दा थप ८ हजार बोनस र ईएमआई सुविधा

काठमाडौं । विश्वविख्यात प्रविधि कम्पनी सामसुङले नेपाली बजारमा आफ्ना ग्राहकहरूका लागि विशेष ‘अपग्रेड टु ग्यालेक्सी’ अभियान सार्वजनिक गरेको छ । यस योजनाअन्तर्गत ग्राहकहरूले आफ्नो जुनसुकै ब्रान्डको पुरानो स्मार्टफोन साटेर सामसुङको पछिल्लो ग्यालेक्सी स्मार्टफोनमा सहजै अपग्रेड गर्न सक्नेछन् ।

यस अभियानको मुख्य आकर्षणको रूपमा सामसुङले पुरानो फोनको मूल्याङ्कनमा थप ८ हजार रुपैयाँसम्मको एक्सचेन्ज बोनस उपलब्ध गराएको छ । विशेषगरी फ्ल्यागशिप सिरिज अन्तर्गतका ग्यालेक्सी एस२६ अल्ट्रा, S26+ र S26 मोडेलमा ग्राहकले आकर्षक नगद छुट र बोनस गरी उच्च लाभ लिन सक्नेछन् । जसमा S26+ खरिद गर्दा ग्राहकले २३ हजार रुपैयाँसम्मको निश्चित छुट र ८ हजार बोनस प्राप्त गर्नेछन् । यस्तै, लोकप्रिय ए-सिरिजका नयाँ मोडेलहरू ग्यालेक्सी A57 र A37 मा पनि ५ हजार रुपैयाँको छुट र ५ हजार रुपैयाँ नै एक्सचेन्ज बोनसको व्यवस्था गरिएको छ ।