ब्राइटनको पोष्टमा नटिङघमको गोल वर्षा, क्रिस उडले गरे ह्याट्रिक

काठमाडौं । क्रिस उडको ह्याट्रिक मद्दतले नटिङघम फरेस्टले ब्राइटनविरुद्ध गोल वर्षा गरेको छ । प्रिमियर लिग अन्तर्गत शनिबार राती घरेलु मैदानमा नटिङघमले ब्राइटनविरुद्ध ७ गोल गरेको हो ।

खेलको १२ औं मिनेटमा ब्राइटनका लेविस डंकले आत्मघाती गोल गरेसँगै खाता खोलेको नटिङघमले ९१ औं मिनेटभित्र ७ गोल गरेको हो । आत्मघाती गोल उपहारसँगै पहिलो आधा (हाफ)अघि मोर्गन गिब्स व्हाइट र क्रिस उडले गोल गर्दै टोलीलाई ३-० को अग्रता दिलाए ।