प्रहरीका पिकअपमा सिट राख्ने कार्य ’गैरकानुनी’, सरकारका नाममा अदालतकाे निर्देशनात्मक आदेश

काठमाडौँ । उच्च अदालत पाटनले नेपाल प्रहरी र सशस्त्र प्रहरी बलले प्रयोग गर्ने मालवाहक (पिकअप) सवारी साधनमा अनधिकृत रूपमा सिट जडान गरी सुरक्षाकर्मी ओसारपसार गर्ने कार्य कानुनसम्मत नभएको ठहर गरेको छ।

अधिवक्ता डेनिस मुस्यानले दायर गरेको रिटमा न्यायाधीशद्वय ऋषिराम निरौला र नारायणप्रसाद सुवेदीको संयुक्त इजलासले सवारी साधनको ’स्पेसिफिकेशन’ (मूल बनोट) परिवर्तन गर्ने सम्बन्धमा प्रचलित कानुनी व्यवस्थाको प्रभावकारी कार्यान्वयन गर्न प्रधानमन्त्री तथा मन्त्रिपरिषद्को कार्यालयसहितका विपक्षीहरूका निर्देशनात्मक आदेश जारी गरेको हो । उच्च अदालत पाटनले २०८२ चैत ११ गते गरेको फैसलाको पूर्णपाठ हालै सार्वजनिक भएको हो।