कोशी प्रदेश खेलकुद विकास बोर्डको सदस्यसचिवमा विप्लव घोष

कोशी प्रदेश खेलकुद विकास बोर्डको रिक्त रहेको सदस्यसचिव पदमा सुनसरीका विप्लव घोष नियुक्त भएका छन् । ७ महिनादेखि रिक्त रहेको बोर्डको उपाध्यक्ष, सदस्यसचिव र सदस्यहरुलाई कोशी प्रदेश सरकारका सामाजिक विकास मन्त्री तथा बोर्डका अध्यक्षसमेत रहेका रामप्रसाद महतोले ४ वर्षका लागि नियुक्त गरेका छन् ।

सुनसरीको इनरुवा नगरपालिका–३ का स्थायी घर भएका घोष नेकपा एमाले निकट रहेको नेपाल खेलकुद महासंघका केन्द्रीय सचिव हुन् । उनी कराँते खेलका खेलाडी भए पनि पछिल्लो समय क्रिकेट टिमको व्यवस्थापनमा लाग्दै आएका छन् ।