प्रिमियर लिग : नटिङघम, उल्भ्स र ब्रेन्टफोर्ड विजयी, म्यान्चेस्टर सिटीलाई घाटा

काठमाडौं । इंग्लिश प्रिमियर लिगमा नटिङघम फोरेस्ट, उल्भ्स र ब्रेन्टफोर्ड विजयी भएका छन् । शनिबार राती भएका खेलमा नटिङघमले इप्सविच टाउनलाई ४-२ ले हरायो ।

नटिङघमलाई विजयी गराउन एन्थोनी एलंगाले दुई गोल गर्दा, निकोला मिलेंकोभिच र जोटा सिल्वाले एक-एक गोल गरे । जितपछि नटिङघमको २९ खेलबाट ५४ अंक भएको छ । जो लामो समयदेखि तेस्रो स्थानमा कायम छ । समान खेलबाट ७० अंक जोडेको लिभरपुल शीर्ष स्थानमा रहँदा २८ खेलबाट ५५ अंक जोडेको आर्सनल दोस्रो स्थानमा छ ।