राजा चाहिन्छ भन्नेहरुले पनि रास्वपालाई मत दिएको नभुल्न लिङ्देनको आग्रह

भरतपुर– राप्रपा अध्यक्ष राजेन्द्र लिङ्देनले रास्वपालाई विभिन्न विचार र पृष्ठभूमिका जनताले मत दिएको बताउँदै नेपालमा राजा चाहिन्छ भन्नेहरूले पनि रास्वपालाई मत दिएको दाबी गरे ।

रास्वपाको महाधिवेशन उद्घाटन सत्रलाई सम्बोधन गर्दै उनले रास्वपाले देश बनाउने अवसर पाएको भन्दै यसमा चुकियो भने धोका पार्टी वा नेतृत्वलाई मात्र नभई सिंगो देशलाई हुने बताए ।

देशका सबै जिल्ला र वडामा संगठन नबनाएको पार्टीलाई पनि जनताले मत दिएको उल्लेख गर्दै उनले भने, ‘जनताको विश्वासलाई मर्न नदिनुस् ।’

प्रकाशित मिति: आइतबार, असार ७, २०८३

१६:३६