बालेनले राजा ल्याउँछ भनेर भोट दिएका मान्छेहरू पनि रास्वपामा छन् : राजेन्द्र लिङ्देन

राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले रास्वपाले पाएको मत राजा ल्याउनुपर्छ भनेहरूको पनि भएको बताएका छन् ।

आइतबार चितवनमा रास्वपाको पहिलो महाधिवेशनको उद्घाटनसत्रमा मन्तव्य दिँदै उनले रास्वपाले पाएको विश्वासलाई निराशामा परिणत हुन नदिन सचेत गराए ।

‘जनताको विश्वासलाई निराशामा परिणत हुन नदिनुस् । अघि सीके राउतजीले मेरो पार्टीको भोट छ भन्नुभयो । भोट त राजा चाहिन्छ भन्ने मान्छेहरूको पनि छ । नेपालमा राजा ल्याउनुपर्छ भन्ने पार्टी राप्रपा हो तर, बालेनले राजा ल्याउँछ भनेर भोट दिएका मान्छेहरू पनि छन्,’ उनले भने, ‘यस कारण तपाईंहरूको विशिष्ट जिम्मेवारी छ । तपाईंहरूले यो विशिष्ट कारणलाई सम्बोधन गर्नुपर्नेछ ।’

प्रकाशित मिति: आइतबार, असार ७, २०८३

१६:३२