बाहुनडाँगीमा हात्ती आतंक रोक्न रबरको गोली प्रयोग गर्न सांसदको माग

७ असार, विराटनगर । झापाको बाहुनडाँगी क्षेत्रमा बढेको हात्ती आतंक नियन्त्रणका लागि रबरको गोली प्रयोग गर्ने विषय प्रदेशसभामा उठेको छ । आइतबारको प्रदेशसभा बैठकमा विशेष समयमा बोल्दै नेपाली कांग्रेस संसदीय दलका प्रमुख सचेतक गोपाल तामाङले रबरको गोली प्रयोग गरेर हात्तीलाई रोक्न माग गरेका हुन् ।

‘छिमेकी देशमा पनि हात्तीलाई रोक्न रबरको गोली प्रयोग हुन्छ, हात्तीलाई उसकै गन्तब्य तर्फ फर्काउन रबरको गोली प्रयोग गर्नुपर्छ,’ उनले भने,‘ कम्तीमा रबर बुलेट प्रयोग गरेर उसको गन्तव्यतर्फ पठाउन सकियो भने बाली नाली र जनधनको क्षति जोगाउन सकिन्छ ।’