बजेटका सिद्धान्त र प्राथमिकता पेस गर्ने डेडलाइन घर्किँदै

विराटनगर । कानुनअनुसार बजेट ल्याउनुभन्दा १५ दिन अगावै बजेटका सिद्धान्त र प्राथमिकता (प्रि–बजेट) प्रदेशसभामा पेस गर्नुपर्ने कोशी प्रदेश सरकारलाई दबाब छ । तर, गएको मंगलबारदेखि विपक्षी दल नेपाली कम्युनिस्ट पार्टी (नेकपा)ले प्रदेशसभामा अवरोध कायमै राखेको छ ।

नीति तथा कार्यक्रम पारित गर्ने क्रममा सभामुख अम्बरबहादुर विष्टले अपनाएको प्रक्रियाप्रति असन्तुष्टि जनाउँदै विपक्षी दलले सदन अवरुद्ध गर्दै आएको छ ।