गाउँले बोलाइरहेको छ तर...

‘राजनीति र चुनाव लड्ने कुरा तपाईंको आफ्नो निर्णय हो, ठिकै छ। तर स्वर्गवास भइसक्नुभएका आमा-बुवाले समेत गाली खाने हुन् कि भन्ने डर हो,’ भाउजूले भनेपछि म एकछिन सुनेर अड्किएँ।

भर्खरै पारिवारिक छलफलका क्रममा गाउँका दाजु-भाउजूले भन्नुभएको यो एक वाक्यले मलाई एकछिन स्तब्ध बनायो। म गम्भीर भएर सोच्न बाध्य भएँ। समाजशास्त्रको विद्यार्थी अनि दशकौँसम्म सामाजिक क्षेत्रमा लागेको एक युवाका नाताले यो कथन केवल मेरो परिवारको चिन्ता मात्र थिएन, हाम्रो समाज कता जाँदैछ भन्ने एउटा नग्न र तीतो चित्र पनि थियो।