उदयपुरबाट लागुऔषधसहित ३ जना पक्राउ

काठमाडौँ । उदयपुर प्रहरीले जिल्लाका छुट्टाछुट्टै स्थानबाट लागुऔषधसहित ३ जनालाई पक्राउ गरेको छ । पक्राउ पर्नेमा ३४ वर्षीय कृष्ण तामाङ,२६ वर्षीय जालकुमार राई र ३० वर्षीय नेत्रमान राई रहेका छन् ।

जिल्ला प्रहरी कार्यालय उदयपुरका अनुसार तामाङलाई जिल्लाको कटारी नगरपालिका–४ कान्छी बजारबाट इलाका प्रहरी कार्यालय कटारीबाट खटिएको प्रहरी टोलीले पक्राउ गरेको हो भने जालकुमार र नेत्रमानलाई चौदण्डी नगरपालिका ३ देउरालीस्थित मदन भण्डारी राजमार्गबाट इलाका प्रहरी कार्यालय बेलटारबाट खटिएको प्रहरी टोलीले पक्राउ गरेको हो ।