अन्तराष्ट्रिय फादर्स डेमा बलिउड सेलिब्रेटीले भावुक हुदै सम्झिए आफ्‌ना पिता

आज आम सर्वसाधारणदेखि बलिउड सेलिब्रिटीसम्म सबैले फादर्स डे (पिता दिवस) मनाइरहेका छन्। सामाजिक सञ्जालमा धेरै कलाकारहरूले आफ्ना पिताप्रति प्रेम, सम्मान र सम्झना व्यक्त गर्दै भावुक सन्देशहरू साझा गरेका छन्।”

अभिनेत्री काजोलले आफ्ना दिवंगत पिता शोमु मुखर्जी र आमा तनुजाको पुरानो तस्वीर साझा गर्दै लेखेकी छन्, “पुराना तस्वीरहरू हेर्दा महसुस हुन्छ कि मेरो हाँसोमा तपाईं आज पनि जीवित हुनुहुन्छ। तपाईंको हरेक दिन सम्झना आउँछ, बुबा। ह्याप्पी फादर्स डे।” यस्तै, हुमा कुरैशीले आफ्ना पितासँगका तस्वीरहरू पोस्ट गर्दै भावुक सन्देश लेखेकी छन्। उनले बाल्यकालमा पितालाई सबै प्रश्नको उत्तर थाहा हुने व्यक्तिका रूपमा हेरे पनि ठूलो भएपछि उहाँ पनि जीवनका संघर्ष र जिम्मेवारीसँग जुधिरहेको एक साधारण मानिस भएको महसुस भएको बताएकी छन्।