क्रिष्टल प्यालेससँग हार्‍यो म्यान्चेस्टर युनाइटेड

काठमाडौं । इंग्लिश प्रिमियर लिगमा म्यान्चेस्टर युनाइटेड क्रिष्टल प्यालेससँग हारेको छ । आइतबार राती म्यानयु घरेलु मैदानमा २-० ले पराजित भएको हो ।

क्रिष्टललाई जिताउन अग्रपंक्तिका जीन फिलिप मटेटाले दोहोरो तथा निर्णायक गोल गरे । म्यानयुको यो ११ औं हार हो । यो जितले क्रिष्टल प्यालेसलाई म्यानयुभन्दा एक स्थानमाथि १२ औं नम्बरमा पुर्‍याएको छ ।