रुख मासेर ग्राभेल उत्खनन, नियामक निकाय मौन

सिरहामा राष्ट्रिय गौरव योजनाको नाममा अनियन्त्रित रूपमा राष्ट्रिय वन, सामुदायिक वन, खोला तथा निजी जग्गाबाट ग्राभेल उत्खनन गरी सडक निर्माण भइरहेको छ।

ठेकेदार कम्पनीहरूले स्थानीय प्रहरी प्रशासन, जनप्रतिनिधि, वनका कर्मचारी तथा सामुदायिक वनका अध्यक्षलाई आर्थिक प्रभावमा पार्दै माटो, ग्राभेल र वालुवा संकलन गरेर चुरे क्षेत्र दोहन गरिरहेको पाइएको छ।