आईजीपीको जन्मथलोमा विशेषज्ञसहित निःशुल्क स्वास्थ्य शिविर

बुटवल । नेपाल प्रहरीका महानिरीक्षक (आईजीपी) दानबहादुर कार्कीको जन्मथलो गुल्मीको मालिका गाउँपालिका–७ घमिरमा विशेषज्ञ चिकित्सकसहितको निःशुल्क स्वास्थ्य शिविर आज सञ्चालन गरिएको छ ।

घमिरस्थित स्वास्थ्य चौकीमा नेपाल प्रहरी श्रीमती संघको आयोजनामा तथा महिला विकास केन्द्र, लुम्बिनी प्रदेश प्रहरी कार्यालय र लुम्बिनी प्रदेश प्रहरी अस्पताल बाँकेको संयुक्त सहकार्यमा शिविर सञ्चालन गरिएको हो ।