सुधार गृह पठाउन लागेका व्यक्तिको आक्रमणबाट प्रहरीसहित ३ घाइते

७ असार, काठमाडौं । सुधार गृह पठाउन लागेका व्यक्तिको आक्रमणबाट तीन जना घाइते भएका छन् ।

विराटनगर महानगरपालिका–१ अनुकरण मार्गस्थित एक घरमा बसेका युवकले छुरा प्रहार गर्दा तीन जना घाइते भएका हुन् । मोहन भट्टराईको घरमा कोठा भाडामा लिएर बस्दै आएका अन्दाजी २९ वर्षीय रुबिण कार्कीलाई सुधार गृह, काठमाडौं पठाउने तयारी भइरहेको क्रममा उनले कोठा थुनेर आत्महत्या गर्न खोजेको भन्ने सूचना प्राप्त भएपछि सीआरभी भट्टाचोकबाट प्रहरी सहायक निरीक्षक भोजराज रेग्मीको कमाण्डमा प्रहरी टोली घटनास्थल पुगेको थियो ।