बागमती नदीमा फसेका १४ जनाको उद्दार

७ असार, काठमाडौं । रौतहटको दुर्गाभगवती गाउँपालिका–३ मत्सरीघाटस्थित बागमती नदीको बीच भागमा फसेका १४ जनाको सशस्त्र प्रहरीले उद्दार गरेको छ ।

आइतबार साँझ सोही नगरपालिका–१ पिपराभलोहियाका १४ जना स्थानीयहरुमध्ये ११ जना महिला र ३ जना बालिका दिउँसो करीब ३ः४० बजेको समयमा नदी पारी गएकोमा उनीहरु फर्कने क्रममा एक्कासी आएको बाढीको कारण नदीको बीच भागमा फसेका थिए ।

त्यसपछि सशस्त्र प्रहरी बल, नेपाल नं. ११ गण रौतहट र सुरक्षा वेश भलोहियाबाट विपद् व्यवस्थापन तालिम प्राप्त टोली खटिई रबरबोटकोे सहायताले उनीहरुको उद्धार गरेको सशस्त्र प्रहरी बलका सहप्रवक्ता तथा डीएसपी शैलेन्द्र थापाले बताए ।