केप भर्डेले गर्ला अर्को उलटफेर ?

७ असार, काठमाडौं । अमेरिकाको फ्लोरिडास्थित मियामी स्टेडियममा दुई–पटकको विश्वविजेता उरुग्वे र प्रतियोगिताको नवप्रवेशी टोली केप भर्डे बीच खेल हुँदैछ । फिफा विश्वकप २०२६ अन्तर्गतको यो खेल सोमबार बिहान पौने ४ बजेबाट सुरु हुनेछ ।

पहिलो खेलमा ऐतिहासिक प्रदर्शन गर्दै स्पेनलाई गोलरहित बराबरीमा रोकेको केप भर्डे उच्च मनोबलका साथ मैदान उत्रिनेछ । साउदी अरेबियाविरुद्ध संघर्षपूर्ण बराबरी खेलेको उरुग्वे जित निकाल्दै नकआउट चरणमा आफ्नो स्थान बलियो बनाउन चाहन्छ ।