किष्ट शिक्षण अस्पतालद्वारा २०० भन्दा बढी अंगदाता सम्मानित

काठमाडौँ । ललितपुरको ग्वार्कोस्थित किष्ट शिक्षण अस्पताल अन्तर्गतको किष्ट प्रत्यारोपण केन्द्रले बिहीबार एक विशेष समारोहका बिच २०० भन्दा बढी अंगदाताहरूलाई सम्मान गरेको छ । मानव जीवन बचाउने महान् कार्यमा योगदान पुर्‍याउने दाताहरूप्रति कृतज्ञता व्यक्त गर्ने उद्देश्यले आयोजित उक्त “अंगदाता सम्मान कार्यक्रम” को उद्घाटन ललितपुर महानगरपालिकाका प्रमुख चिरीबाबु महर्जनले गरे ।

निजी क्षेत्रका अस्पतालहरूमध्ये सबैभन्दा धेरै अङ्ग प्रत्यारोपण गर्ने पहिचान बनाएको किष्टले विगत पाँच वर्षदेखि उच्च सफलता दरका साथ सेवा प्रदान गर्दै आएको छ । अस्पतालका अनुसार हालसम्म २०२ जनाको मिर्गौला र १५ जनाको कलेजो सफलतापूर्वक प्रत्यारोपण गरी बिरामीहरूलाई ‘दोस्रो जीवन’ प्रदान गरिएको छ ।