ओलम्पिक डे जुनियर गल्फ प्रतियोगिता

सुशान्त कडेल, यश्वी श्रेष्ठ, आरोह न्यौपाने र श्रीषा कडेल ओलम्पिक डे जुनियर गल्फ प्रतियोगिताको उपाधि जित्न सफल भएका छन् ।

रोयल नेपाल गल्फ क्लबमा आज सम्पन्न प्रतियोगिताको यु-१८ ब्वाइजमा सुशान्त १५ अंक सहित पहिलो भए। १४ अंक बनाएका निर्जल श्रेष्ठ दोस्रो र १२ अंक सहित टारूस मोर तेस्रो भए।

यु-१८ गल्सतर्फ यश्वीले उपाधि जितिन्। उनले १२ अंक जोडिन्। काउन्ट ब्याकमा रिजु राई दोस्रो हुँदा अनुषा मैनाली तेस्रो भइन्। दुवैले ५ अंक बनाएका थिए।

यु-१४ ब्वाइजमा आरोहले १२ अंक बनाउँदै उपाधि जिते। ११ अंक बनाएका बिर्सन राई दोस्रो र ६ अंक जोडेका लसन शाक्य तेस्रो भए। यु-१४ गल्समा श्रीषा कडेलले काउन्ट ब्याकमा उपाधि जितिन्। उनले र सुहबी बास्ताकोटीले समान ५ अंक बनाएका थिए। सुहबी काउन्ट ब्याकमा दोस्रो भइन्। ३ अंक सहित अदृती थापा तेस्रो भइन्।

नेपाल गल्फ संघद्वारा ओलम्पिक डेको अवसरमा आयोजित नौ होलको प्रतियोगितामा ३० जुनियर गल्फरको सहभागिता रहेको थियो। विजयी खेलाडीहरुलाई शिक्षा तथा खेलकुद मन्त्रीका प्रमुख सल्लाहकार सिद्दी व्यञ्जनकार, रोयल नेपाल गल्फ क्लबका अध्यक्ष मधुकर याकथुम्बा र लेडी क्याप्टेन आर्शिया बानुले पुरस्कार वितरण गरे।