पन्ध्र किलो अफिमसहित दुई महिला पक्राउ

ठूलो परिमाणको लागूऔषध अफिमसहित दुई महिलालाई प्रहरीले पक्राउ गरेको छ। बाँसगढी नगरपालिका–३, उत्तर भकारीस्थित क्षेत्रबाट लागूऔषधसहित दुई महिलालाई आइतबार अपराह्न साढे ४ बजे प्रहरीले पक्राउ गरेको हो।

लागूऔषध नियन्त्रण ब्युरो शाखा कार्यालय नेपालगञ्ज र इलाका प्रहरी कार्यालय मोतिपुरको संयुक्त प्रहरी टोलीले ठूलो परिमाणको लागूऔषधसहित दुई महिलालाई पक्राउ गरेको हो। पक्राउ पर्नेमा बढैयाताल गाउँपालिका–४, खैरेनीकी ३० वर्षीया सन्ध्या घर्ती मगर र बाँसगढी नगरपालिका–३, लक्ष्मणपुरकी ४२ वर्षीया मीना रोकाया रहेकी छन्।