नदी दोहनमा प्रशासनको ब्रेक, ढुङ्गा–गिट्टी–बालुवा उत्खनन् बन्द

जुम्लाका नदी तथा खोलाबाट वर्षौंदेखि हुँदै आएको ढुङ्गा, गिट्टी र बालुवाको अव्यवस्थित तथा अवैध उत्खनन्माथि जिल्ला प्रशासन कार्यालय जुम्लाले कडा नियन्त्रणको कदम चालेको छ। प्रशासनले आइतबार सूचना जारी गर्दै असार ७ गतेदेखि जिल्लाभर नदीजन्य पदार्थको उत्खनन् तथा सङ्कलन कार्य पूर्ण रूपमा बन्द गरेको जनाएको हो।

जिल्लाभित्रका विभिन्न नदी तथा खोलाबाट कानुनी प्रक्रिया पूरा नगरी ढुङ्गा, गिट्टी तथा बालुवा निकाल्ने क्रम बढ्दै गएपछि प्राकृतिक स्रोत संरक्षण, वातावरणीय सन्तुलन र विपद् जोखिम न्यूनीकरणलाई ध्यानमा राखेर यस्तो निर्णय गरिएको प्रशासनले जनाएको छ।