‘तेन्जिङ नोर्गे शेर्पा खुला आरोहण प्रतियोगिता’ सुरु

काठमाडौँ । विश्वको सर्वोच्च शिखर सगरमाथाका प्रथम आरोही स्वर्गीय तेन्जिङ नोर्गे शेर्पाले नेपाली पर्वतारोहण क्षेत्रमा पुर्याउनुभएको योगदानको कदर गर्दै ‘तेन्जिङ नोर्गे शेर्पा खुला आरोहण प्रतियोगिता’ सुरु भएको छ ।

नेपाल राष्ट्रिय पर्वतारोहण पथप्रदर्शक सङ्घ र युएस नेपाल क्लाइम्बर्स एसोसिएसनको संयुक्त आयोजनामा अन्तरराष्ट्रिय सगरमाथा दिवसको अवसर पारेर बिहीबारदेखि ठमेलस्थित ‘एस्ट्रेक क्लाइम्बिङ सेन्टर’मा तेस्रो संस्करणको ‘तेञ्जिङ नोर्गे शेर्पा खुला आरोहण प्रतियोगिता’ सुरु भएको हो ।