चाँगुनारायण सडक: पहिला साँघुरो, अहिले धुलाम्य

भक्तपुरको ऐतिहासिक चाँगुनारायण मन्दिर जाने सडक निर्माणाधीन अवस्थामा छ। तर माटो ढुवानी गर्ने गाडीका कारण यो सडक अत्यधिक धुलाम्य बनेको छ। स्थानीयहरू धुलोका कारण स्वास्थ्य समस्या बढेको भन्दै आक्रोशित भएका छन्।

स्थानीय बासिन्दाहरूका अनुसार धुलोले दैनिक जीवन अस्तव्यस्त बनाएको छ। ‘पहिले साँघुरो सडकको समस्या थियो, अहिले विस्तारपछि धुलोले हैरान बनाएको छ,’ स्थानीय कृष्णबहादुर थापा भन्छन्। धुलोका कारण खोकी, दम, आँखाको संक्रमणजस्ता समस्या बढ्दै गएको स्थानीयको गुनासो छ।