विवादका बाबजुद सक्रिय राजनीतिमा पूर्वउपराष्ट्रपति पुन

पूर्वउपराष्ट्रपति नन्दबहादुर पुन नेकपा (माओवादी केन्द्र) को सक्रिय राजनीतिमा फर्किएका छन्। सोमबार (आज) बसेको माओवादी केन्द्रको पदाधिकारी बैठकले उनलाई पार्टीको आर्थिक तथा उत्पादन विभागको जिम्मेवारी दिएको छ।

पहिल्यैदेखि पार्टीको विभिन्न समिति बैठकहरूमा आमन्त्रित सदस्यका रूपमा सहभागी हुँदै आएका पुन आर्थिक तथा उत्पादन विभागको जिम्मेवारी पाएसँगै औपचारिक रूपमा पार्टीको सक्रिय राजनीतिमा फर्किएका हुन्।