सीमा सम्झौतापछि ट्रम्प मेक्सिकोप्रति नरम, आयातकर लागू गर्न ढिलाई

काठमाडौं । सीमा सम्झौतामा हस्ताक्षर गरेसँगै अमेरिकी राष्ट्रपति डोनाल्ड ट्रम्पले मेक्सिकोमाथि लगाएको ट्यारिफ लागू गर्न ढिलाई गरेका छन् । मेक्सिको अवैध औषधिको ओसारपसार रोक्न सीमामा दश हजार सैनिक खटाउन तयार भएसँगै ट्रम्पले मेक्सिकन आयातमा नयाँ ट्यारिफ लागू गर्न ढिलाई गरेका हुन् ।

मेक्सिकोका राष्ट्रपति क्लाउडिया शीनबामले दक्षिणमा हतियार ओसारपसारलाई सिमित गर्न अमेरिका समेतले प्रतिवद्धता जनाएको बताएका छन् । ट्रम्पले मंगलबारबाट मेक्सिकन सामानमाथि २५ प्रतिशत आयात कर लागू गर्ने घोषणा गरेका थिए ।